Ła Peggy Guggenheim Collection xe un muxeo so'l Canal Grando a Venesia co' sede a Pałaso Venier de Leoni, fasente parte de ła Solomon R. Guggenheim Foundation.
Rancurando prinsipalmente ła cołesión d'arte moderna de Peggy Guggenheim (1898-1979), ex-mugèr de l'artista Max Ernst e nèsa del magnate Salomon R. Guggenheim, sto muxeo, 'na volta anca abitasión privàda de Peggy Guggenheim, rancura 'na cołesión in un çerto senso più picenina e più concentràda de quèła dei altri muxei Guggenheim. Ad ogni modo i laóri esponesti include alcuni exenpi perminenti del modernismo 'merican e del Futurismo itałian. Ła cołesión, inaxonta, rancura òpare cubiste, sureałiste e de Espresionismo astrato. Queste xonta anca łavori conosùi de gran rimàrco de Picasso, Salvador Dalì, René Magritte, Brâncuşi (incluxa anca ła scultùra da ła serie Bird in Space) William Congdon, Conrad Marca-Relli e Pollock. Conpleta e de particołàr pregio xe anca ła cołesión de astratismo informałe itałian, co' inportanti laóri de Lucio Fontana, Afro Basaldella, Agostino Bonalumi, Toti Scialoja, Giuseppe Santomaso, Tancredi Parmeggiani, Emilio Vedova e Carla Accardi.
Ła so òpara più çełebre xe el bronxo del 1948 L'angelo della città de Marino Marini, che se cata danànsi al pałaso Venier dei Leoni, dove che ghe xe anca el muxeo.
La Peggy Guggenheim Collection xe uno dei prinsipałi muxei itałiani nel cànpo de l'arte eoropea e statunitense de ła prima metà del venteximo secoło.
El diretór atuałe del muxeo xe Philip Rylands.
Fìn al 1979, ano in cui xe morta Pegggy Guggenheim, par vołontà de ła propietaria 'na volta a ła setimana ła maxór parte de ła carbona vegniva verta a maca al publico che podeva cussì far gionda de ła cołesión conpleta de òpare d'arte che gera rancuràe. Ła stesa Peggy Guggenheim xe sepełìa in un'urna logàda in cantón al xardìn privà.
'Ntel 2008 xe stàda vixitàda da 346.862 persone .
Ne l'otobre 2012 ła cołesion del muxeo viene incrementà da ła donasion deła cùbia de milionèri americani Hannelore e Rudolph Schulhof, comprendente 83 òpare dei più inportanti artisti contenporanei, tra cui: Alberto Burri, Alexander Calder, Lucio Fontana, Jasper Johns, Donald Judd, Mark Rothko, Claes Oldenburg, Frank Stella, Cy Twombly, Andy Warhol, Sol LeWitt, Anish Kapoor.